"පුවතක්- අදින් මාස හයකට පමණ අසන්න කාලයක නල්ලතන්නියේ
සිරිපා අඩවියේ හමුවූ දුර්ලභ කළු කොටියා පසුගියදා මද්දට හසු වී සිදු වී තිබූ තුවාල හේතුවෙන් මිය ගොස් ඇත..
එම දුර්ලභ සත්වයා බේරා ගැනීමට වන සංරක්ෂණ වෛද්‍යවරු දැඩි උත්සහයක් දැරූ බවත් පැවසේ..
එම ඉතා කණගාටුදායක පුවත සමඟ ලංකාවේ කළු කොටින්ගේ අවසානය බොහෝ විට මෙය වීමට හැකිය."
අපකොතනක සිරවීද
අපගේ වෙනස් වියයුතු තැන් කොතනද යන්න අප හරිහැටි අවබොධ කරගෙන සිටියිද.
මෙයට වගකිවයුතු මද්ද ගැසූ පුද්ගලයාට නියමිත දඬුවම කුමක් විය හැකිද.. මහාපරිමාණ වංචා දූෂණ කළ උන්ගෙ දඩයද අපදුටුවෙමු.මේ වටිනා සත්වයාගෙ අගය රුපියල් පනහක් සීයයක් වනු ඇත...
වන සත්ව හා වෘක්ෂලතා ආරක්ෂක ආඥාපනත ශක්තිමත් කරනවානම් මුගලන්,ගල්ගමුව දළපූට්ටුවා වැනි කතිකාවක් ගොඩනැගූ ගාතන මෙන්ම 2019 ඔක්තොබරය කළුකළ ඇතින්නියන් ගාතනය වැනි හඬක් නොමැති ප්‍රානීන්ට සාධාරණක් ඉටුකළ හැකිවනු ඇත.
වෙසක් පුන් පොහෝ දින වෙඩි පහරින් මියගිය මිනිසාගෙ පරම මිතුරා යැයි උදම් අනන සත්ත්වයාද.පොසොන් පොහොය පෙනිපෙනී තිබියදී මෙලොව හැරයන නල්ලතන්නියෙ කළුවාද අපගේ භක්තිමත් ආගම්වාදය මනාව කියාපාන සාධකය.
මෙලොව වසන සතුන්ගෙන් මිනිසා තරම් උතුම් මෙන්ම පාහර සත්වයෙක්ද තවත් නැත.බුදුන්වහන්සෙ, ක්‍රිස්තුස්වහන්සේ ,ශිව දෙවියන්, නබි නායක තුමන් වැනි ශ්‍රේෂ්ඨ මිනිස්සුන් වාසය කල මේ පොළොතලයෙ සත්වයින්ට කෙතරම් ආදර කරුණාවක් දැක්වූවොද..
අවාසනාවක මහත නම් ඒ මහා පුරුෂයන්ගෙ අනුගාමිකයන්, බැතිමතුන් යැයි පුරාජේරු දොඩවන කාලකන්නි මිනිසුන් සමස්ථ මිනිස් සංහතියටම නිගා කරමින් සිදුකරන මේ ක්‍රියාවන් හට දිනක සොබාදහමෙන් වන්දි ගනු ඇත..
මාස දෙකක් නිවාස අඩස්සියෙ සිටි මේ මිනිස් සත්වයන් නිදහස් වි දින කීයද..
"අප දියුණුයි දියුණුයයි උදම් ඇණුවාට අප තවමත් නොදියුණු ගල්යුගයෙ මිනිසුන් වෙමු.
ඔබව රැක ගැනීමට නොහැකි වූ මාද අයත්වන මේ මිනිස් සංහතිය පිළිබඳ අප්‍රමාණ කණගාටුවක්, කලකිරීමක් ඇති මුත් ඒ සියල්ල දෙස උපේක්ෂාවෙන් බලා සිටිමි....
නුඹ වැනි නිහඬ ජීවිත ගැන හඬක් එක් කරන සැමට ස්තූතිවන්ත වෙමි.
නැවත වරක් මෙවන් නින්දිත මිනිස්සුන් නැති තැනක ඉපදේවායි ප්‍රාර්ථනා කරමි.
සුභ ගමන් කලු මිත්‍රයා...මේ බව මුගලන්ටත් කියන්න.."
-ඊෂණ-
No comments:
Post a Comment